Wednesday, January 13, 2010

СОЛОНГОС УЛСЫН ЗАСГИЙН ГАЗРЫН ТЭТГЭЛЭГ


2010-2011 ОНЫ ХИЧЭЭЛИЙН ЖИЛИЙН БҮГД НАЙРАМДАХ
СОЛОНГОС УЛСЫН ЗАСГИЙН ГАЗРЫН ТЭТГЭЛГЭЭР
ОЮУТАН СУРАЛЦУУЛНА.

1. Зорилго: Гадаадын оюутанд БНСУ-ын их, дээд сургуульд суралцах боломжийг олгосноор олон улсын боловсролын харилцан солилцоог хөхүүлэн дэмжих болон улс хоорондын найрамдалт харилцааг хөгжүүлэх зорилготой.


2. Сонгон шалгаруулах хүний тоо:

3. Элсүүлэх салбар болон суралцах их сургууль: Чонжү Их Сургуулийн бакалавр болон магистрын сургуулиуд

4. Засгийн газрын тэтгэлгээр суралцах хугацаа:

• Бакалавр: Нийт 5 жил (Солонгос хэлний бэлтгэл+үндсэн анги 4 жил)
• Магистр: Нийт 3 жил (Солонгос хэлний бэлтгэл+үндсэн анги 2 жил)

5. Сургалтын явц:

5.1.Солонгос хэлний бэлтгэл: Чонжү их сургуулийн солонгос хэлний төвд нэг жилийн турш солонгос хэлний бэлтгэлд хамрагдсаны дараа бакалавр, магистрийн ангид элсэн орно. Жич: Их сургуулийн лекц, хичээлүүд ихэнх нь Солонгос хэл дээр учир Солонгос хэлний чадварыг эзэмшүүлэх шаардлагатай.

5.2.Доорхийн адил Солонгос хэлний түвшинтэй нэр дэвшигчид Солонгос хэлний түвшин тогтоох шалгалт өгөхгүй байж болно.

- TOPIK шалгалтын 5 эсвэл 6 түвшин
- Солонгос хэл, уран зохиолын мэргэжлээр 4 ба түүнээс дээш жил тухайн оронд сурсан бол
- TOPIK шалгалтын 4 түвшин ба Солонгос улсад бакалаврын 4 жилийн сургуульд сурсан бол
- TOPIK шалгалтын 4 түвшинтэй ба Солонгос улсын засгийн газрын байгууллага эсвэл Солонгос компанид 2-оос дээш жил ажилласан бол

6. Тавигдах шаардлага

• Өөрөө болон эцэг, эх тухайн улсын иргэн байх.
• Хэрэв Солонгосын давхар харъяалалтай иргэн байвал гадаадын иргэнд тооцохгүй.
• Солонгост удаан хугацаанд суралцахад боловм бүхий эрүүлс аруул байх.
• Жирэмсэн болон ямар нэг өвчний улмаас эмчилгээ хийлгэж бүхий хүнийг элсүүлэх боломжгүй.
• Төгсөж ирсний дараа хойр улсын найрамдалт харилцааг дээшлүүлэхэд хувь нэмрээ оруулж чадахуйц оюутан байна.
• Бакалавр: 2010 оны 3 сарын 1-ний байдлаар ахлах сургууль төгссөн, эсвэл төгсөх гэж байгаа, 2010 оны 3 сарын 1-ний байдлаар 25 наснаас доош настай байх.
• Магистр: 2010 оны 9 сарын 1-ний байдлаар бакалаврын зэрэгтэй эсвэл зэрэг авах гэж байгаа, 2010 оны 9 сарын 1-ний байдлаар 35 наснаас доош настай байх.
• Сүүлд төгссөн сургуулийн голч дүн 85 хувиас дээшо байх эсвэл нийт оюутны түвшний эхний 5 хувьд багтсан байх.
• Англи болон солонгос хэлний өндөр түвшний мэдлэгтэй бол шалгуурт өндөр хувь эзэлнэ.

7. Тэтгэлэг олгох

7.1.Олгох хугацаа:

- Солонгос хэлний бэлтгэл 1 жилийн болон бакалаврын үндсэн ангийн 4 жил
- Солонгос хэлний бэлтгэл 1 жилийн болон магистрийн үндсэн ангийн 2 жил

7.2.Агуулга:

- Онгоцны зардал: Хоёр орны хооронд зорчих энгийн ангиллын онгоцны тийз
- Амьжиргааны тэтгэлэг: 900,000 вон (сар бүр)
- Судалгааны зардал: Хүмүүнлиг-нийгмийн салбар-210,000 вон
Байгаль-техникийн салбар-240,000 вон
- Суурьших зардал: 200,000 вон (нэг удаа)
- Хэлний бэлтгэл: Нэг жилийн бүтэн төлбөр
- Сургалтын зардал: Элсэлтийн болон сургалтын зардлаас 100 хувь чөлөөлөх
- Дипломын ажлыг хэлвлэх зардал: 500,000-800,000 вон хүртэлх бодит зардал (нэг удаа)
- Эрүүл мэндийн даатгал: 15,000 вон (сар)

8. Сонгон шалгаруулалт

- Анкет бүхий шаардлагатай бичиг баримтуудыг Чонжү Их Сургуульд явуулна.
Хаяг:
Office of International Affairs, Cheongju University.
36 Naedok-dong, Sangdang-gu, Cheongju,
360-764, Republic of Korea
Tel : +81-43-229-8814/8815 Fax : +81-43-229-8944

- Чонжү их сургууль нэр дэвшигчдийн нэрсийг Олон Улсын боловсролыг дэмжих үндэсний хүрээлэнд санал болгон оруулна.
- Олон Улсын боловсролыг дэмжих үндэсний хүрээлэн эцсийн шалгаруулалтын хариуг гарган Чонжү Их Сургуульд мэдэгдэнэ.

9. Бүрдүүлэх бичиг баримт

9.1.Бичиг баримт хүлээн авах газар: Чонжү Их Сургууль
9.2.Бичиг баримт хүлээн авч дуусах хугацаа:

-Бакалавр: 2009 оны 11 сарын 20;
-Магистр: 2010 оны 3 сарын 20.

9.3.Бүрдүүлэх бичиг баримт

9.3.1.Анкет (Маягтын дагуу)
9.3.2.Зураг (4х5 см, өнгөт цээж зураг, эгц харсан, малгайгүй)-2 хувь
9.3.3.Амлалт бичиг (Маягтын дагуу)
9.3.4.Өөрийн тухай танилцуулга (Маягтын дагуу)
9.3.5.Сургалтын төлөвлөгөө (Маягтын дагуу)
9.3.6.Тодорхойлолт 2 хувь (Төгссөн сургуулийн багш эсвэл захирал, ажиллаж буй байгууллагын дарга)
9.3.7.Эрүүл мэндийн тодорхойлолт (Маягтын дагуу)
9.3.8.Сургуулийн диплом:
-Бакалавр: Дунд сургуулийн гэрчилгэний хуулбар 1 хувь;
-Магистр: бакалаврын дипломын хуулбар 1 хувь.
9.3.9.Дүнгийн жагсаалт:
-Бакалавр: Дунд сургуулийн гэрчилгэний дүн 1 хувь;
-Магистр: бакалаврын сургалтын 4 жилийн дүнгийн жагсаалт 1 хувь.
9.3.10.Эцэг, эх болон өөрийн тухайн улсын иргэнийг батлах бичиг баримтын хуулбар (гадаад паспорт)
9.3.11.Гэр бүлийн лавлагаа (төрсөн эцэг, эх, эхнэр, нөхөр гэх мэт батлах баримт бичиг)
9.3.12.Солонгосын байгууллага эсвэл компанид ажилладаг бол ажлын газрын тодорхойлолт (холбогдох хүнд хамааралтай)
9.3.13.TOPIK, TOEFL, TEPS, IELTS зэрэг шалгалтуудын сертификат (шалгалт өгсөн хүнд хамааралтай)
9.3.14.Эмчийн олгосон англи хэл дээрхи эрүүл мэндийн тодорхойлолт (зөвхөн эцсийн шалгаруулалтанд тэнцэж Олон Улсын Боловсролыг дэмжих үндсэний хүрээлэнгээс шаардсан хүмүүст хамааралтай)

10. Цаашдын хөтөлбөр

10.1.Олон Улсын боловсролыг дэмжих үндэсний хүрээлэнгээс бичиг баримт хүлээн авч дуусах хугацаа: -Бакалавр: 2009 оны 11 сарын 20; -Магистр: 2010 оны 3 сарын 20.

10.2.Олон Улсын боловсролыг дэмжих үндэсний хүрээлэнгийн шалгаруулалтын хугацаа: -Бакалавр: 2009 оны 12 сараас 2010 оны 1 сар хүртэл; -Магистр: 2010 оны 3 сараас 5 сар хүртэл.

10.3.БНСУ-д очих хугацаа: -Бакалавр: 2010 оны 2 сарын 25-28-ны хооронд; -Магистр: 2010 оны 8 сарын 27-30-ны хооронд;

10.4.Хэлний бэлтгэл эхлэх хугацаа: -Бакалавр: 2010 оны 3 сарын 02; -Магистр: 2010 оны 9 сарын 01;

10.5.Үндсэн сургалт эхлэх хугацаа: -Бакалавр: 2011 оны 3 сарын 02; -Магистр: 2011 оны 9 сарын 01;

Боловсрол, Шинжлэх ухаан, Технологийн яамны тэтгэлэг

БНСУ-ын ЗГ-ын урилгаар бакалаврын зэрэгт суралцуулах тэтгэлэгт хөтөлбөр

Хөтөлбөрийн англи нэр

Korean Government Scholarship Students(Undergraduate Course)

Хөтөлбөрт хамрагдагч

Соёлын харилцан ойлголцлын бичгийг байгуулсан улс орон ( Улсын тоо өөрчлөгдөх боломжтой )

мэргэжлийн салбар

Мэргэжих салбарт хязгаар тавихгүй

Сургалтын төрөл ба хугацаа

Бакалаврын сургалт 4 жил, Солонгос хэлний бэлтгэл тусад нь 1 жил

тэтгэлгийн агуулга

ирж очих 2 талын онгоцны зардал, сургалтын төлбөр, сарын амьжиргааны тэтгэлэг 800000вон, эрүүл мэндийн даатгал

Хөтөлбөрт хамрагдагчын тоо

100 хүн

Материал хүлээн авах хугацаа

жил бүрийн 10~1 сар

Хэрэгжүүлэгч байгууллага

Боловсрол, Шинжлэх ухаан, Технологийн яам Олон улсын боловсролыг дэмжих хүрээлэн Утас 82-2-3668-1355 www.niied.go.kr hongbo@mest.go.kr

Боловсрол, Шинжлэх ухаан, Технологийн яамны гадаадын оюутнуудад зориулсан тэтгэлэгт хөтөлбөр

Солонгосын ихэнх их, дээд сургуулиуд гадаадын оюутнуудад зориулсан тэтгэлэгт хөтөлбөрийг хэрэгжүүлж байгаа ба ихэнх сургуулиуд элсэлтийн байдлаас шалтгаалан сургалтын зардлыг 30-100% хүртэл хөнгөлж байна.

БНСУ-ын ЗГ нь гадаад оюутнуудад тэтгэлэг олгох хөтөлбөрийг хэрэгжүүлж байгаа ба хамрагдах оюутнуудын тоог жилээс жилд нэмэгдүүлж байна. Одоогоор Боловсрол, Шинжлэх ухаан, Технологийн яам, Мэдээлэл харилцааны яам, Соёл, аялал жуулчлалын яам, Гадаад хэрэг, худалдааны яам зэрэг яамдуудаас гадаадын оюутнуудад тэтгэлэг олгож байна.

БНСУ-ын ЗГ- ын урилгаар суралцуулах магистр докторын тэтгэлэгт хөтөлбөр-Боловсрол, Шинжлэх ухаан, Технологийн яам

Хөтөлбөрийн англи нэр

Korean Government Scholarship Program

Хөтөлбөрт хамрагдагч

Соёлын харилцан ойлголцлын бичгийг байгуулсан улс орон ( Улсын тоо өөрчлөгдөх боломжтой )

мэргэжлийн салбар

Мэргэжих салбарт хязгаар тавихгүй

Сургалтын төрөл ба хугацаа

Магистрийн сургалт 2жил, докторын сургалт 3 жил Солонгос хэлний сургалт 6сараас 1жил хүртэл 6сараар тэтгэлэг олгоно

тэтгэлгийн агуулга

ирж очих 2 талын онгоцны зардал, сургалтын төлбөр, сарын амьжиргааны тэтгэлэг 900000вон, судалгааны зардал (хүмүүнлэгийн салбар нэг улиралд 210000вон, байгалийн ухааны салбар улиралд 240000вон) эрүүл мэндийн даатгал

Хөтөлбөрт хамрагдагчын тоо

1000 хүн

Материал хүлээн авах хугацаа

жил бүрийн 11~2 сар

Хэрэгжүүлэгч байгууллага

Боловсрол, Шинжлэх ухаан, Технологийн яам Олон улсын боловсролыг дэмжих хүрээлэн Утас 82-2-3668-1355 www.niied.go.kr gukje@mest.go.kr

Солонгост суралцах тухай мэдээлэл

Хичээлийн жил
Солонгсот бүх сургууль 3 сарын 1нд хичээл эхэлнэ. 7-8 сард зуны амралт болох ба 9 сард 2р улирлын хичээл эхэлдэг. 12-2сард өвлийн амралт болно.
▷ Хичээлийн жил эхлэх : 3сар
▷ 1улирал : 3сар-8сар
▷ 2улирал : 9сар-2сар

Бага- дунд- ахлах сургууль
Гадаад сурагчид солонгосын бага, дунд, ахлах сургуульд элсэхэд хязгаарлалт байхгүй. Одоогийн боловсролын хуулинд заасны дагуу гадаад сурагчдын элсэлт нь сургуулийн дүрмийн дагуу шийдэгддэг тул сурагч хүссэн сургуульдаа очиж сургуулийн зааврыг дагаж суралцаж болно.

Мэргэжлийн коллеж, их сургууль
Сургууль бүр оюутан элсүүлэх шаардлага бага зэрэг өөр, гэхдээ ерөнхий зарчим нь адил. Солонгост суралцах гэсэн чин хүсэл тань л байвал их сургуульд элсэх тийм хэцүү биш. Мэргэжлийн коллежийн хувьд ч солонгос хэлний сургалт явуулдаг тул хэлний бэрхшээл ч тулгарахгүй.

Материалаа бүрдүүлж өгөх хугацаа
Их сургуулиуд улирал бүрд элсэлт авдаг тул материалаа өгөх хугацааг сайн судлах хэрэгтэй. Сургуулийн элсэлт хариуцсан мэргэжилтэнээс зөвлөгөө авах нь зүгээр. Ерөнхийдөө 10 сарын үед материал хүлээн авч, 3 сард элсэн орох ба 5 сарын үед материалаа өгч 9 сард элсэн орох боломжтой. Гэвч сургуулиас шалтгаалж, энэ хугацаа эрт орой байж болох тул орох гэсэн сургуулиасаа сайн лавлах хэрэгтэй.

Материал бэлдэх, явуулах илгээх зэрэгт зарцуулах хугацаа болон виз авах, онгоцны тийз авах зэрэг хугацаагаа бодолцон доод тал нь улирал эхлэхээс 4-5 сарын өмнө эхэлж бүрдүүлж өгөх хэрэгтэй.

Бүрдүүлэх материал
Бүрдүүлэх материалд элсэх өргөдөл, сурах төлөвлөгөө, сургууль төгссөн диплом, сурлагын дүн, гадаад паспортын хуулбар, банкны баталгаа, өөрийн танилцуулга, Англи эсвэл солонгос хэлний шалгалт өгсөнг гэрчлэх баримт,батлах даах хүнтэй холбогдох бусад бичиг баримт зэрэг материал орно.

Шалгаруулах арга
Сургууль болгон өөр ч голдуу материалыг хянаж үзэх, ярилцлага авах зэргээр шалгаруулна. Заримдаа шалгалт авах нь ч бий.

Элсэх дэс дараалал
Их сургуульд элсэх(дундаас нь элсэх, магистрантур, докторантурын элсэлт хамаарна)ийн тулд өөрийн хүссэн сургуульд материалаа өгөхөд л хангалттай. Зуучлах байгууллагаар дамжуулж элсэж орох нь илүү найдвартай.
Элсэх дэс дарааллыг товчхон танилцуулбал:
- мэдээлэл цуглуулах : интернэт, солонгосын ЭСЯ, Солонгосын боловсролын төвүүд, гадаадад суралцуулах үзэсгэлэн яармаг, гадаадад суралцуулах төв
- материалаа өгөх : их сургуулийн элсэлт хариуцсан хүнтэй зөвлөлдсөний дараа шаардагдах материалыг өгнө
- виз авах: сургуулийн томилолтоо авч ЭСЯд визэнд орно
- элсэх : Солонгост орж ирэх, сургуульдаа орох, гадаадын иргэний үнэмлэх авах

Нөхцөлтэйгээр элсэх
Энэ нь хэлний чадвар дутагдах, англи хэлний шалгалтын оноо байхгүй ч богино хугацаанд солонгост суралцах гэж байгаа тохиолдолд элсүүлдэг дэлхийн бусад орнуудад хэрэгжүүлж байгаа элсэлтийн нэг хэлбэр билээ. Энэ тогтолцоо нь элсүүлэх болзолтойгоор тодорхой хугацаанд хэлний бэлтгэлд хамруулж, орчиндоо дасах хугацаа олгох буюу эсвэл элсээд хажуугаар нь хэлний бэлтгэлд хамрагдаж болно. Ялангуяа хэлний бэлтгэл хийх хугацаа богино, ахлах сургууль дөнгөж төгсөж байгаа болон хэлний сургалтын виз авахад бэрхшээлтэй байгаа төгсөгчид хурдан шуурхай үндсэн ангидаа элсэн орох арга юм.

Дундаас нь элсэж орох
Их дээд сургуулийн дундаас нь элсэж орох тогтолцоо ч ихэнхи их сургуульд хэрэгжиж байна. Гадаадад мэргэжлийн коллежээс дээш дээд боловсролын байгууллагыг төгссөн буюу их дээд сургуульд 2оос дээш жил сурч байсан бол сургуулийн дундаас нь элсэж болно. Дундаас элсэж орох дэс дараалал, шалгаруулалтын арга нь үндсэн ангийн элсэлтээс өөр байж болох тул хангалттай мэдээллийг цуглуулж, өөрийн сургуулийн дүн, цуглуулсан кредит, хэлний чадвар зэрэг нь сургуулиас шаардаж байгаа нөхцөлтэй тохирч байгаа эсэхийг сайтар судалж бэлтгэх хэрэгтэй. Түүнчлэн өөр мэргэжлээр сурах тохиолдолд ч дундаас нь элсэж болох зэргийг урьдчилан судлах хэрэгтэй.

Солонгос хэлний түвшин тогтоох шалгалт
Их сургуульд материалаа өгөх явцад зарим сургуулиуд TOPIK(KPT) оноог шаарддаг ч ерөнхийдөө сонсох, унших, бичих, ярих зэрэг солонгос хэлний чадвар эзэмшүүлсний дараа үндсэн ангид элсүүлэх нөхцөлтэйгээр элсэлт авах явдал ихэсч байна.

Tuesday, January 12, 2010

ЧУННАМЫН ИХ СУРГУУЛЬ


Танилцуулга: Чуннамын их сургууль нь 60 жилийн арвин түүх туршлагатай сургууль бөгөөд Солонгосын цэцэглэн хөгжиж байгаа хамгийн том шинжлэх ухааны хот болох Тэжонд байдаг. Энэхүү сургууль нь Солонгосын Чуннамын бүс нутгийн /Солонгос нь нийт хот, болон хөгжлийн түлхүүрээ 5 бүс нутаг болгон хуваадаг/ хамгийн том улсын сургууль учир Чуннамын их сургууль гэж нэрлэгдсэн. Сүүлийн 10 жилийн хугацаанд Азийн шилдэг 100н сургуулийн 50д жагсаж мөнхүү солонгосынхаа шилдэг сургуулиудын тоонд зүй ёсоор багтдаг.

Шинжлэх ухаан, нийгэм, хүмүүнлэнгийн ухааны чиглэлээр дипломын болон дипломын бус бүх шатны сургалтаар хангадаг.
Сургуулийнхаа кампус /campus/ болон сургалтын үйлчилгээгээрээ Азид эхний 5д багтдаг.

Энэ сургуульд орсоноор цаашид амжилттай суралцвал манай компани танд улсаас олгодог бүх төрлийн тэтгэлэгт хамруулж өгөх боломжтой юм.

Баклавр, Мастерын, Докторын сургалтын төлбөр: 1,800,000- 3,000,000 /ямар мэргэжлээр сурахаас хамаарна/

Мастерын, Докторын сургалтанд сурахын давуу тал: Энэ мэргэжлээр сурч байгаа оюутан /ялангуяа шинжлэх ухаан, программ техник хангамжаар сурах оюутан/ лобартарт ажиллаад удирдагч багшийн урамшуулал гэж сард 800 мянган вон авах боломжтой.
Басхүү гэр бүлтэй хүмүүс эхнэр эсвэл нөхрөө гэр бүлийн визээр төвөггүй татаж сургалцах хугацаандаа хамтдаа байх боломжтой. Бас өөрийн ах дүүс, аав ээжээ урилгаар 14 хоног ирж очиулаад байдаг давуу талтай.

Солонгос орны тухай



Орчин цагийн өндөр технологийн гайхамшгийг харуулахаас гадна 1988 онд Дэлхийн үнэт их өвийг хадгалах, нандигнан хамгаалах конвенцид нэгдсэн байгалийн үзэсгэлэнт газар, хөшөө дурсгал, эртний сүм хийд, үндэсний хэв шинж агуулсан сайхан орон юм. Өмнөд Солонгосын нийт газар нутгийн 70 гаруй хувь нь уулархаг тул “Уулсын сайхан орон” гэж ч болно.
Өнөөдөр эдийн засгийн түвшингээрээ дэлхийд 11-рт орж байна. Үүний гол үндэс нь байгалийн баялаг, нефть, хий газны арвин их нөөц бус технологийн дэвшлийг гартаа атгаж, цахилгаан техник, дижитал дэлгэц, гар утасны үйлдвэрлэлтийн шинэчлэлийг бүтээн дэлхийд тэргүүлж байгаагаараа нэлээд онцлог юм.

• Газарзүйн байрлал
Зүүн Азид байрлах тус БНСУ нь 99.4 мян.кв.км газар нутгийг эзлэн, Солонгосын арлын өмнө хэсэгт оршдог. Хойд талаараа БНАСАУ-тай хиллэдэг бол зүүн талаараа Японы тэнгис, өмнөд ба зүүн өмнөд хэсгээрээ Солонгосын тохой, баруун талаараа Шар тэнгисээр хүрээлэгдсэн байдаг. Дулаан чийглэг уур амьсгалтай.

• Хүн ам
Солонгосын ард түмэн арга билгийг дүрслэн улсынхаа далбаан дээр тусгасан байдаг. Амьдрал ахуйн анхдагч 2 эх үндэс хэмээн үздэг арга билэгийг Солонгосоор инь, янь гэх агаад түүгээр эр эм, хар цагаан, ухаан сэрлийн тэнцвэртэй зохицлыг билэгшээдэг ажээ. Арга билэгийг эрхэмлэгч Солонгосын нийт хүн ам 2002 оны байдлаар, 48.3 сая байсан бол 2015 онд 51 сая, 2030 онд 53 саяд хүрнэ гэсэн тооцоо бий.
Хүн амын хувьд нэгэн сонирхол татам үзүүлэлт бол 50 мян орчим гадаадын иргэн Солонгос улсад оршин суудгаас бусад бүх иргэд нь Солонгос үндэстэн юм. Иймээс тус улсын албан ёсны хэл нь мэдээж хэрэг, солонгос хэл. Хэрвээ та тус улсыг зориход хэлний бэрхшээлтэй учрах нь хэмээн санаа зовж байгаа бол энэ тал дээр эмээх хэрэггүй. Англи хэл эзэмшсэн иргэд Танд туслах болно. Хүн амын 51.2% нь буддист, 34,4% нь протестант, 10,6% нь католик шашин шүтлэгтэй.